🔰 LPG ಗ್ರಾಹಕರಿಗೆ ಬಿಗ್ ಶಾಕ್: ಗ್ಯಾಸ್ ಬುಕಿಂಗ್ ನಿಯಮಗಳಲ್ಲಿ ಭಾರಿ ಬದಲಾವಣೆ 🔰
ಕಡಬ/ಬೆಂಗಳೂರು: ದೇಶದ ಎಲ್ಪಿಜಿ (LPG) ಗ್ರಾಹಕರಿಗೆ ಮಹತ್ವದ ಬದಲಾವಣೆ ಎದುರಾಗಿದೆ. ಕೇಂದ್ರ ಸರ್ಕಾರ ಮತ್ತು ತೈಲ ಕಂಪನಿಗಳು ಗ್ಯಾಸ್ ಸಿಲಿಂಡರ್ ಬುಕಿಂಗ್ ನಿಯಮಗಳಲ್ಲಿ ಕಟ್ಟುನಿಟ್ಟಿನ ಪರಿಷ್ಕರಣೆಗಳನ್ನು ಜಾರಿಗೊಳಿಸಿದ್ದು, ಇನ್ಮುಂದೆ ಅನಿಯಂತ್ರಿತವಾಗಿ ಸಿಲಿಂಡರ್ ಬುಕ್ ಮಾಡಲು ಅವಕಾಶ ಇರುವುದಿಲ್ಲ.
ಪಶ್ಚಿಮ ಏಷ್ಯಾದ ಯುದ್ಧ ಉದ್ವಿಗ್ನತೆಯಿಂದ ತೈಲ ಪೂರೈಕೆ ಮೇಲೆ ಉಂಟಾದ ಪರಿಣಾಮವನ್ನು ಸಮತೋಲನಗೊಳಿಸಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.
🔹 ಹೊಸ ನಿಯಮಗಳ ಮುಖ್ಯಾಂಶಗಳು:
➡️ ಮಾಸಿಕ ಮಿತಿ:
(BPCL) ನಿಯಮದಂತೆ, ಇನ್ಮುಂದೆ ಒಬ್ಬ ಗ್ರಾಹಕ ತಿಂಗಳಿಗೆ ಗರಿಷ್ಠ 2 ಸಿಲಿಂಡರ್ ಮಾತ್ರ ಬುಕ್ ಮಾಡಬಹುದು. ಮಿತಿಯನ್ನು ಮೀರಿದರೆ ಬುಕಿಂಗ್ ಸ್ವಯಂಚಾಲಿತವಾಗಿ ನಿರ್ಬಂಧವಾಗುತ್ತದೆ.
➡️ ವಾರ್ಷಿಕ ಕೋಟಾ:
ಪ್ರತಿ ಆರ್ಥಿಕ ವರ್ಷದಲ್ಲಿ (ಏಪ್ರಿಲ್ 1 – ಮಾರ್ಚ್ 31) 12 ಸಬ್ಸಿಡಿ ಸಿಲಿಂಡರ್ಗಳು ಲಭ್ಯ. ಹೆಚ್ಚುವರಿಯಾಗಿ 3 ಸಬ್ಸಿಡಿ ರಹಿತ ಸಿಲಿಂಡರ್ಗಳು ಸೇರಿ ವರ್ಷಕ್ಕೆ ಒಟ್ಟು 15 ಸಿಲಿಂಡರ್ಗಳು ಪಡೆಯಲು ಅವಕಾಶ.
➡️ ಬುಕಿಂಗ್ ನಡುವಿನ ಅಂತರ:
ಹಿಂದಿನ 21 ದಿನಗಳ ಅವಧಿಯನ್ನು ಹೆಚ್ಚಿಸಿ ಈಗ 25 ದಿನಗಳ ನಂತರ ಮಾತ್ರ ಮುಂದಿನ ಸಿಲಿಂಡರ್ ಬುಕ್ ಮಾಡಲು ಅವಕಾಶ.
➡️ ಹೆಚ್ಚುವರಿ ಸಿಲಿಂಡರ್ಗೆ ನಿಯಂತ್ರಣ:
12 ಸಿಲಿಂಡರ್ಗಳ ಕೋಟಾ ಮುಗಿದ ಬಳಿಕ ಹೆಚ್ಚುವರಿ ಗ್ಯಾಸ್ ಬೇಕಿದ್ದರೆ ‘Hello BPCL’ ಆಪ್ ಮೂಲಕ ಅರ್ಜಿ ಸಲ್ಲಿಸಬೇಕು. ಅಗತ್ಯವಿದ್ದಲ್ಲಿ ಕಾರಣ ನೀಡಬೇಕು.
🔹 ಹಿನ್ನೆಲೆ:
ಪಶ್ಚಿಮ ಏಷ್ಯಾದ ಜಿಯೋ-ರಾಜಕೀಯ ಉದ್ವಿಗ್ನತೆಯಿಂದ ತೈಲ ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಿರುವುದು ಈ ನಿರ್ಧಾರದ ಪ್ರಮುಖ ಕಾರಣವಾಗಿದೆ. ಸರ್ಕಾರವು ಗೃಹ ಬಳಕೆಯ ಗ್ಯಾಸ್ ಸಮರ್ಪಕವಾಗಿ ಎಲ್ಲರಿಗೂ ತಲುಪುವಂತೆ ಈ ಕ್ರಮಗಳನ್ನು ಜಾರಿಗೆ ತಂದಿದೆ.
🔹 ಪರಿಣಾಮ:
ಈ ಹೊಸ ನಿಯಮಗಳಿಂದ ಅನಗತ್ಯ ಸಂಗ್ರಹ (hoarding) ತಡೆಗಟ್ಟಲಾಗುತ್ತದೆ. ಆದರೆ ಹೆಚ್ಚು ಬಳಕೆ ಇರುವ ಕುಟುಂಬಗಳು ಮತ್ತು ವಾಣಿಜ್ಯ ಬಳಕೆದಾರರಿಗೆ ಕೆಲವು ಅಸೌಕರ್ಯಗಳು ಉಂಟಾಗುವ ಸಾಧ್ಯತೆ ಇದೆ.
📌 ಸೂಚನೆ: ಗ್ರಾಹಕರು ತಮ್ಮ ಗ್ಯಾಸ್ ಬಳಕೆಯನ್ನು ಯೋಜಿತವಾಗಿ ನಿರ್ವಹಿಸುವುದು ಅಗತ್ಯವಾಗಿದೆ.
